Bread-TV.com

收看節目 收聽節目 下載 下載的標籤

節目名：戰勝抑鬱及厭食症 林欣彤：我得，你都得！

主持 : Bread-TV 家族

內容：10年贏咗無綫主辦嘅歌唱比賽節目《超級巨聲2》入行嘅林欣彤，第二年就簽咗英皇後冇耐突然失聲，一出道已經好受歡迎，不過好快就失聲仲患上抑鬱及厭食症同苦難交戰，呢幾年，Mag嘅生活就好似來回地獄咁，今日，終於折返人間，戰勝抑鬱，經歷咗咁多，有咩得著？「我真係好深信所有苦難都係祝福嚟嘅，因為我經歷低潮嘅時間，反而覺得係生命中感受愛嘅最大機會，因為經歷低潮時嘅我都一定唔會可愛，但係佢哋依然愛我，依然留守喺我身邊，呢啲所有都係禮物，同埋我覺得一個人有軟弱，先有機會去磨練令自己變強，所以我身上所有嘅軟弱，其實都係上天俾我一個機會，『Mag你要強，首先要經歷軟弱，你唔係天生強，你嘅強係靠你自己力量得嚟』，所以所有難關我都覺得係時候要變得強啲。」