Bread-TV.com

收看節目 收聽節目 下載 下載的標籤

節目名：劉德華攜妻女大馬返港 十二兵團護駕

主持 : Bread-TV 家族

內容：12年劉華同朱麗倩誕下寶貝女劉向蕙（Hanna），天王女出世後，劉華一直採取嚴管政策，嚴防女兒曝光。以往在公眾場所，劉華同朱麗倩從來唔會合體湊女，避免引起注目。不過隨着Hanna愈來愈大，劉華開始逐步放寬。最近終於破例喇！趁住農曆年假，一家三口舉家返大馬祭祖。今次劉華同朱麗倩終於唔使再分開走，落機時一家三口齊齊出閘。天王女出巡，保安功夫做到足。十日旅程，動用十二人團隊式護駕，認真大陣 「華仔出事嗰陣，朱麗倩真係日日陪住佢㗎，以前佢一年起碼返大馬三、四次，但華仔休養嗰八個月，佢同個女都冇離開過香港，所以華仔應承過佢，今年幾忙都好，一定陪佢返娘家補數，同埋Hanna九月升小一，到時大人小朋友都忙，冇咁多機會成家去長旅行。」 在大馬逗留足足兩星期，一家三口坐夜機返港。撞啱假期，機場人來人往，劉華早有準備，一早安排兩架七人車，兩個司機加四個保鑣接機，加埋跟身團隊，一共十二人護駕，提高戒備！ 一行人從禁區火速步出閘口，工人姐姐抱住Hanna一馬當先，朱麗倩尾隨，劉華殿後，三人keep住相隔幾個身位。Hanna都好醒目，一直伏在工人姐姐膊頭。行到去扶手電梯，劉華稍為放下戒心，Hanna終於落地自己一個行。難得有爸爸媽咪陪出埠，Hanna心情興奮，沿路一直跳吓跳吓，去到停車場，仲主動要拖住爸爸，安頓好老婆同阿女，劉華接住上車走人。兩星期旅程，一家三口連埋團隊，足足動用四架行李車，載住十七件行李，當中包括十個紙皮箱，收穫豐富。