Bread-TV.com

收看節目 收聽節目 下載 下載的標籤

節目名：何超蓮Call丁子高拉隊試食

主持 : Bread-TV 家族

內容：有最索何家千金封號嘅賭王何鴻燊三房女兒何超蓮，投資7位數開設嘅台式牛肉麵店「玖五」上周喺銅鑼灣正式開業，媽咪陳婉珍有到場剪綵撐場外，其胞姊超雲和龍鳳胎弟弟猷啟都有秘密落舖，一家人打打氣。首度創業，超蓮稱「BB」面世好緊張。所以開業前一晚，就見到佢call咗好友丁子高，以及拍真人騷變好友嘅DJ少爺占（甄子康）落舖試食。當晚，兩位老友唔止齋食，仲同超蓮分享食評，又喺個人網誌幫好友賣廣告，出心出力好撐超蓮！

食物上枱，超蓮緊張行近問各人意見。人夫丁子高好認真，試勻幾款麵，然後逐一品評，又舉起手指讚好，食得滋味。少爺占亦唔例外，夾完半碗麵畀妻兒後，因為全無味精，4歲兒子天天（甄和天）都可以放心食，之後佢索性捧起個碗大啖大啖食，一邊歎一邊問超蓮點煮。老闆娘事事親力親為，好清楚點煮，唔介意分享食譜。