收看節目
瀏覽人次:41576次

收看節目 收聽節目 下載

節目名:許廷鏗晒生硬舞技 網民恥笑似廣場阿伯

主持 : Bread-TV 家族

內容:歌手許廷鏗(Alfred)之前講過改歌路,話會唱多啲節奏輕快嘅歌之餘,仲會嘗試跳舞。佢果然講得出,真係做得到!好似佢啱啱推出嘅新歌《體操》,聽個歌名都覺得動感十足。再睇吓個MV,雖然舞蹈動作屬於初級班,但唔擅長跳舞嘅佢,動作就有啲生硬! 難怪有網友留言:「許生,唱跳路線都係唔多啱你!」亦有粉絲留言:「會唔會有另外一個可以比(畀)我地(哋)跳嘅版本。」甚至網友留言笑佢:「哈哈哈哈,老年廣場阿伯feel!」MV中,一班dancers個個都運動look造型,着上背心、短褲、波鞋,仲戴晒毛巾headband,活力十足!雖然Alfred都係一身運動衫打扮,但佢就着長衫長褲,仲要加件外套。有人更不留情面:「嘩!肥到…」、「史上着得最多衫做gym嘅人」、「個MV好好笑,我有做gym,未見過有人着成咁,會唔會着件背心加短褲會正常啲」、《體操王子,你着咗幾多件衫嚟做體操,目測無十件都有八件」,令人都忍唔住笑! 不過都有粉絲留言鼓勵佢:「跳得好好呀,可以走呢條路線喎」、「掂呀」,網民有讚有彈,但至少個MV吸引到好多人嚟睇,正所謂有人講好過冇人講!