收看節目
瀏覽人次:43164次

收看節目 收聽節目 下載

節目名:楊千嬅為新碟封套換8個Look似影春夏時裝目錄

主持 : Bread-TV 家族

內容:楊千嬅推出新曲加精選碟《ONE ON ONE》,為拍攝封面相她著住6吋高跟鞋做出仿如瑜伽般的高難度動作,要拗腰、瞓地、俯身彎腰、單腳企、sit-up和抬腿等,花了近10個鐘,換了8個造型,影過千張靚相。由於影唱片封面是整張唱片製作過程的最後步驟,所以每次影唱片封面都令千嬅特別興奮,她說:「過往精選碟通常簡簡單單用一張大頭相做封面,今次專登花好長時間換好多套衫,影一輯全新靚相。每次影唱片封面都好開心、好大滿足感,證明我哋又完成一項重大任務。不過今次真係影咗好多相,我成世人未試過影一個唱片封面影咁多相和咁多套衫,好似影咗一本春夏時裝目錄!」 至於「精選歌」部份,千嬅亦以新方式選歌單,被邀請的包括DJ好友、造型師、唱片界幕後功臣、歌手、前助手和歌迷等,並寫下與千嬅的小故事。其中老公丁子高化身「歌迷」選了《煉金術》,他留言放閃:「因為呢首歌係我第一次真正認識佢嘅時候係佢面前唱畀佢聽嘅歌。 」