收看節目
瀏覽人次:43319次

收看節目 收聽節目 下載

節目名:甄子丹執教鞭贏口碑 客串變擔正

主持 : Bread-TV 家族

內容:「宇宙最強」甄子丹突改戲路,放下拳頭執教鞭,率領影圈新面孔包括湯鎮業孖仔君慈及君耀等,主演以反映香港教育制度為題材的新片。由籌劃、開拍到上映,他坦言遇上問題及阻力:「片商梗係想我繼續拍《殺破狼》同《葉問》呢類電影啦,有票房保證嘛,即使我同王晶提議開呢套戲,都要先說服佢。本來我係想客串,最終『徇眾要求』愈演愈多,因為要同投資者交代。我唔可以保證票房好好,不過相信今次一定贏到口碑。」 子丹戲裏戲外都當起老師角色:「我搵咗關家偉做導演,一班年輕演員就可以話由零開始,最多只係拍過廣告。我用自己嚟帶起台前幕後,想畀多啲機會新一代。」為了增強台前幕後的默契,百忙的他遙距離控制一切:「開拍前我叫導演安排所有演員日對夜對,培養感情,從中觀察各人特質,佢哋每個人都有條線可以發揮,佢哋嘅演出我好滿意。」