Bread-TV.com

收看節目 收聽節目 下載 下載的標籤

節目名：吳雨霏瘦身成功護B出巡 訓練老公做「絕世好爸」

主持 : Bread-TV 家族

內容： 32歲人妻吳雨霏(Kary)自6月誕下愛兒Asher後，閉關全職湊B，日前下午，Kary帶就快5個月大嘅兒子和丈夫洪立熙(Brian)行中環。亦係自洪太誕B後，一家三口首次被野生捕獲。見人母薄施脂粉、身形勁Fit推住BB車陪夫購買嬰兒產品。做咗新手媽媽幾個月嘅Kary，閉關3個月全職湊B，好彩有廿四孝老公Brian幫手同囝囝沖涼、換片等。Brian照顧初生愛子嘅同時，亦對愛妻照顧有加，令Kary非常感動。日前下午1時許，Kary激罕帶B仔出街。當日束上髮髻嘅新手靚媽一身便裝現身，牛仔褲下全無贅肉。而小baby一直在BB車內熟睡，車外以薄紗巾遮蓋，自製寧靜環境讓愛兒休息。蓄鬚嘅Brian西裝骨骨，似係趁lunch time快閃陪妻兒。兩夫婦去咗太子大廈一間嬰兒產品店shopping，其間二人好合拍，人妻負責睇實BB，Brian就去揀孭帶，揀完款式再問老婆意見，最後快手買咗盒約$1,500元嘅深藍色波點孭帶便走人。