Bread-TV.com

收看節目 收聽節目 下載 下載的標籤

節目名：衛詩雅自認小器兼自私

主持 : Bread-TV 家族

內容：藝人衛詩雅身穿V領吊帶裙出席香水品牌活動，好友徐天佑驚喜現身，更為她獻唱情歌，令她喜出望外。她大讚對方靚仔：「一年冇見啦，上年同佢拍咗套戲，當時我哋真係日日都見，個段日子真係好friend，咩都會傾。但好可惜之後大家都好忙，冇機會見面，但啱啱見到佢好surprise！好記得第一日見到天佑，忍唔住當面同佢講，你真係好靚仔呀！戲中我同佢有親熱戲，我好怕醜，唔敢正眼望佢，因為太靚仔！」 她更自認小器兼自私女友：「我有問佢拍親熱戲，太太係咪真係ok，我好明白女方感受，因為我係個小器女朋友，接受唔到自己男朋友同其他人拍親熱戲，我諗我會癲！但如果我有男朋友，我會照拍，逼佢接受，但佢拍就唔得！我係麻煩女友，所以仲單身要檢討吓！」 她表示對香水情有獨鍾：「我好鍾意買香水送畀人，成日覺得自己有天線，一望你就知你適合咩香水，未試過買錯！但我試過送香水畀男仔朋友，佢誤會我想追佢，所以嗰次經歷有啲尷尬，但唔會因此唔再送香水畀人。」