收看節目
瀏覽人次:53261次

收看節目 收聽節目 下載

節目名:吳若希孖老公撐枱腳預祝生日

主持 : Bread-TV 家族

內容:吳若希(Jinny)上個月剛剛為囡囡Giselle(淼淼)慶祝兩歲生日,今日就是她27歲生日喇!Jinny昨晚在IG貼出和老公Alex在家打邊爐慶祝生日的相片,Jinny還留言:「開開心心又一日,輕輕鬆鬆又一年,第三年慶祝我25歲生日,希望我愛的人和愛我的人繼續健康快樂。」 雖然在家簡簡單單慶祝,但Alex亦好識做,「禮物孖寶」鮮花加蛋糕當然唔會缺少,捧着蛋糕的Jinny被老公輕輕攬着纖腰拍照,笑容更加是甜到漏。 而這些大日子,兩公婆又再次夾攻強吻囡囡左右面頰,搞到囡囡瞇晒眼,一副完全唔知發生甚麼事的樣子,相當搞笑。Jinny代囡囡留言:「點解唔係我生日都要啜我。」其實Jinny兩日前已經開始慶祝生日,除了吃過壽包,昨日亦和兩位曾拍檔主持節目的莊思敏及葉翠翠食飯。