Bread-TV.com

收看節目 收聽節目 下載 下載的標籤

節目名：鄭嘉穎陳凱琳一家三口首次外遊

主持 : Bread-TV 家族

內容：陳凱琳（Grace）今天於銅鑼灣出席美容活動，後天是Grace的28歲生日，明天一家3口將啟程去旅行，她笑說：「會帶埋BB去，大家開心啲，放心啲，去幾日啫，都係陽光與海灘，第一次帶BB去，個list好多嘢帶，我個喼都要畀埋佢，都會帶埋姐姐　（工人）一齊去。」 問到老公鄭嘉穎有沒有送驚喜？Grace笑說：「呢份已經係好大嘅禮物，可以玩又可以出埠。」至於生日願望，Grace指最希望身體健康，有健康的身體才能陪伴小朋友成長，問到會否趁旅行順便造人？她說：「冇咁快，想BB大少少先，同父母多啲時間培養感情，知道做哥哥先，可以照顧細嗰個。」 Grace又指忙湊B，未計劃拍劇，但卻有戲癮，問她是否接活動也賺了不少？她說：「唔好咁講，BB需要照顧，以為佢越大越乖，但係原來越大越曳，而家識扭計，一見爸爸就識扁嘴扭抱，爸爸會忍唔住抱，我就唔會，因為隻手就嚟斷，佢而家4個月有17磅，不過醫生話佢比例係啱，可能骨架重，越肥越得意。」 提到現時的社會氣氛會否影響生育計劃？Grace顯得避忌說：「BB大咗會同佢分析，冇得擔心，一步一步嚟。」再問她作為母親，會為小孩做甚麼？她說：「作為媽咪，我背後做咗好多嘢。」