Bread-TV.com

收看節目 收聽節目 下載 下載的標籤

節目名：挑戰性感尺度 極速瘦身 葉巧琳為新歌《二人份》MV 入行以來最性感演出

主持 : Bread-TV 家族

內容：葉巧琳（Mischa）於去年推出的「水質女生戀愛連續劇」終於來到最終回！新歌《二人份》延續一對靈魂伴侶變成愛侶後的親密關係，剖開女方的內心世界。推出新歌同時，Mischa 亦忙於為全城矚目電選秀賽Viu TV「全民造星 III」作全攻型備戰。

《水舞間》是愛上靈魂伴侶的甜蜜心情，《一對一》是到訪對方屋企的緊張狀態，來到《二人份》，所描寫的已是發生關係後的囉囉攣。Mischa說到：「上集《一對一》講到女方返到屋企唔知發生咗乜嘢事，今次係兩個人飲完紅酒後發生咗關係，但起身之後究竟會係點呢？嗰種猜測，全因為仲爭咗『我愛你』呢三個字。」歌名《二人份》形容的就是起床的一刻由一個人變了兩個人，早餐變了「二人份」的時候。Mischa補充道：「其實喺都市裡面有好多男女，都係友達以上戀人未滿嘅關係，相信大家聽過《二人份》之後，都會好有共鳴。」

為了將歌曲故事呈現出來，今次找來湯駿業（AHDEE）充當導演，為Mischa拍攝入行以來最性感的MV，並由Mischa於戲劇班認識的同學兼好友Justin Chu擔任男主角，而拍攝前， AHDEE亦跟Mischa上了一些Training，好等Mischa以最性感火辣的一面演繹當中角色。Mischa說：「呢次MV尺度好大挑戰，既要露腿又要露腰，而且同Justin亦有好多親䁥嘅場口。呢個尺度已經係差不多係我嘅盡頭，如果唔係對我男友嚟講就唔係咁好。」被問到演出時可會尷尬？Mischa笑言：「Justin係好Professional嘅演員，演過好多MV，同佢演戲絕對冇尷尬，而且仲好Smooth！」至於〈二人份〉中男女主角的關係最終如何走向，Mischa指MV未有給予一個答案，是為了騰出更多幻想空間，讓樂迷邊看邊猜想。

由於性感尺度大開，Mischa也希望能以最佳狀態拍攝，在得到AHDEE的鼓勵下，在開拍前三星期，Mischa以極速瘦身，以節食減去十多磅，不過Mischa坦言這樣很不健康，她說；「 拍攝前三星期以節食去減肥，去到拍攝當日更加冇食嘢，直到拍攝其中一個鏡頭我要食蛋糕，我係毫無懸念堅食落去，仲要食得好開心！其實我本來唔鍾意食甜嘢，但喺嗰一刻我一叉落去舐到忌廉時，感覺就好似置身天堂一樣！」雖然減得狠勁，但看到今次由形象、服飾、化妝以至髮型都是一個大改造，Mischa都希望今次會給予樂迷一個不一樣又滿意的感覺。

今次拍攝《二人份》的MV剛巧碰著在疫情期間進行，Mischa與工作人員也做足防疫措施，她回想道：「當時係第二波疫情稍退，但穩陣起見，現場所有工作人員都有戴上口罩，我同Justin拍攝前亦確保大家都冇發燒，然後一有空檔就用搓手液捽手，至於街景就係喺凌晨時份拍攝，所以街上係冇人嘅，不過一唔使埋位我哋都會戴返口罩。」說起疫情，Mischa表示2020年有一半時間都不知道自己做過甚麼，所以能夠推出新歌《二人份》，更可以完成MV拍攝，她已感到很安慰呢！