收看節目

瀏覽人次:66622次


收看節目 收聽節目 下載

節目名:方力申為環島游一星期練六次水 辛苦到堅嘔

主持 : Bread-TV 家族

內容:香港泳隊出身嘅方力申(Alex)為慈善即將喺11月挑戰環島游,45公里長,差唔多要游12粒鐘,對佢嚟講係極限挑戰!最近佢已經積極備戰,一星期練6次水,真係辛苦到堅嘔呀! 佢喺社交網上載咗兩條片段,一開始佢就話:「大家好,仲有差唔多兩公里就到淺水灣,兩公里之前我同佢哋(隊友)講咗Bye Bye…」佢續解釋其實可以自己一個游,因為怕有危險,但因為好頭痛,喺海上等嘅話痛楚會加劇會更頭暈,又會曬到面痛,所以寧願慢慢游!之後佢就話:「再等呢我唔掂我會嘔…似乎我依家都可以嘔喎!」 到第二段片,就見到佢用手指扣一扣喉,即時噴射式嘔出,佢仲連嘔三次,畫面夠晒震撼!佢留言話:「游到嘔:Warning... 以上片段會引起觀眾不安 #容易脫水容易中暑容易嘔 #點解我要咁辛苦 #同情我請捐款」網民都為佢打氣,預祝佢順利完成挑戰,不過都有人擔心會唔會污染海洋呢?