收看節目

瀏覽人次:66178次


收看節目 收聽節目 下載

節目名:田蕊妮開騷連環爆喊 提到與媽媽有很多回憶

主持 : Bread-TV 家族

內容:藝人田蕊妮在麥花臣場館舉行處女演唱會,她提到2013年憑《巨輪》奪得雙料視后,是事業高峰,但同時媽媽胃癌復發:「我做咗個決定,將所有離開香港嘅工作暫停,留喺香港照顧媽媽,直至《鬼同你OT》去馬來西亞頒獎禮攞視后,諗住離開一、兩日冇事,但攞完視后落台收到爸爸message『你聽日返嚟香港好即刻去醫院睇媽咪』,我好後悔離開香港,想即刻返香港,攞完獎嘅開心已經唔記得晒,連聽日都等唔切,呢件事教識我無論開心定唔開心,所有事都係發生一瞬間,所以每件事唔可以太執着,嗰次媽咪冇再喺醫院出嚟。」遂唱出送給亡母的《最親》,唱到尾聲她終於忍不住喊。 處女騷圓滿結束後,她坦言不捨得走很享受舞台,又表示原本演出超過三小時,故已刪掉兩個環節:「有一Part本來係唱卡拉OK,唱番當年亞視嘅主題曲,但認為大家可能唔識唱亞視啲歌,同埋個騷太長,所以就Cut咗,本身嗰Part係有吳業坤做嘉賓。」講到在台上分享與老公的相處,她表示:「有喺屋企講稿畀佢聽。(佢都知你叫佢做『仆X』?)佢知,係最貼切嘅形容詞。」