收看節目

瀏覽人次:63069次


收看節目 收聽節目 下載

節目名:張繼聰被迫跳海 竟然開心到想跳舞

主持 : Bread-TV 家族

內容:張繼聰於電影《犯罪現場》內,有一場被古天樂威逼跳海的戲,這場戲亦是阿聰入行以來首次拍跳海戲。拍攝當日天氣相當「翳焗」,所跳的水域亦非常混濁,不時有排泄物飄過,但他非常敬業,沒半點猶疑便跳入海中,一句怨言都無!拍攝期間,他當然喝了不少又咸又濁的海水,但上水後仍相當幽默地表示:「我今日征服咗呢一帶嘅海域,完全係浸淫同擁抱呢個大自然嘅質感裏面。」 能與偶像古天樂演對手戲,阿聰流露出幸福神情,笑說:「可以近距離欣賞到古天樂喺快艇上嘅英姿,令到我有一刻真係開心到想跳舞,雖然係佢逼我跳落去,不過我冇嬲佢。」搞笑的他浸在海水期間搞笑地跳韻律泳,哄得在場劇組人員大笑。 面對張繼聰的主動「寬恕」,古天樂笑言:「嗰場戲係導演寫佢跳落海,唔係我叫喎!我只係跟住劇本去演繹。」古仔本來很關心阿聰跳海時的安危,但回憶起當時拍攝情況卻忍不住失笑:「一開始始終都會擔心嘅,點知佢一跳落去可以企喺度,原來嗰到好淺水,佢大半個身喺水面。」這場戲需要古仔開快艇離開,他坦言都有一定的難度以及危險度:「因為要我一下子將架快艇加速,咁隻船會好『擺』,有機會撞到阿聰,加上我又要就個航拍鏡頭,所以都幾深刻。」 --------------