收看節目

瀏覽人次:65903次


收看節目 收聽節目 下載

節目名:關心妍巡唱著高叉裙要經老公過目

主持 : Bread-TV 家族

內容:關心妍(Jade)曾兩度踏上紅館,每次開騷前,Jade都會操到自己最fit,經過一返努力終於操到最fit時96磅,日前到東莞舉行演唱會記招,Jade特別揀一條高叉長裙給歌迷驚喜,但前一日老公陪她fitting時,一見Jade穿上就投訴︰「大高喇!會唔會太性感呀?」Jade只好漏夜把高叉縫上2吋,老公才過關! 入行18年,Jade有不少經典慘情歌,《負擔不起》、《你有心》、《我太強》、《慘得過我》、《放生》、《仍然》和《失戀哲理》等都深受樂迷歡迎,自宣佈舉行巡唱後,Jade的經典金曲不斷在網上洗版,但廣州站後,不少歌迷對歌單有意見,不少歌迷投訴「關家姐」冇唱《關家姐》,和變身「C-12」的一系列歌曲,第二站可有特別改動?Jade說︰「《關家姐》和「C-12」的歌曲都有好多票數,但票數最高仲有幾首,呢兩個星期仲會繼續在網上投選,睇吓最終邊幾首入圍啦。」巡唱第二站,Jade邀請了一位神秘嘉賓合唱,她說︰「呢位係音樂才子,為我作過歌,新歌《時刻》佢都有份參與。」東莞站之後,馬上就準備佛山站,明年3月Jade的巡迴演唱會更會走到澳洲和美加,Jade說:「希望巡唱尾站返到香港舉行,好掛住香港嘅歌迷,上次紅館騷已經差唔多相隔七年。」