收看節目

瀏覽人次:67451次


收看節目 收聽節目 下載

節目名:謝安琪人生最黑暗時期 身心健康出現問題

主持 : Bread-TV 家族

內容:謝安琪自言天生性格比較怕醜,笑指是「緊張大師」,到表演前一天更會胃痛,有時候表演當天早上還會肚瀉,Kay又分享busking時的尷尬經歷:「呢件事都唔止發生一次,有時啲家長帶住小朋友、睇緊我彈琴唱歌嗰陣,都會同個小朋友講:『你畀心機讀書啊,唔係第時大個咗就要咁樣做街頭表演㗎啦。』可能busking畀人嘅感覺都係可憐、而且不被欣賞,所以我到依家見到busking嘅朋友都會好想支持吓佢哋。」 談到最令Kay百感交集的歌,她直言是她其中一首經典作品《囍帖街》,因為當時歌曲令她受到許多關注,隨之而來卻惹來不少負評,讓她感到壓力很大:「《囍帖街》為我帶來人生最多嘅獎項,甚至攞埋最後一屆四台聯頒的『傳媒大獎』,呢個理應係歌手最璀璨光輝嘅時刻,但偏偏我嗰時嘅狀態最差,可以話係我人生最黑暗嘅時期。」 而說起Kay三年前暫別樂壇的日子,她坦言當時決定要休息是自覺身心健康有問題:「我突然間有一大段中間嘅音域唱唔到,唱歌唔再係令人開心嘅事,我連係小朋友嘅生日會上、所有人高高興興咁唱生日歌嗰時,我都選擇咪嘴冇出聲,因為我唔想聽到自己把聲,嗰刻我就知道我真係病。」