Bread-TV.com

收看節目 收聽節目 下載 下載的標籤

節目名：張栢芝酒店遇火警相當冷靜

主持 : Bread-TV 家族

內容：張栢芝日前帶埋細仔張禮承（Marcus）去外地度假，點知發生咗件驚險事！栢芝喺揸車去買早餐途中，就拍片同網友分享，佢透露尋晚凌晨一點鐘喺酒店瞓緊覺嗰陣，突然聽到英文廣播叫大家走火警！佢指喺火警鐘同廣播雙重轟炸下，工人姐姐相當驚慌：「我工人我最佩服佢，佢唔拍醒我喎，嗰吓好嘢喎！佢又震晒喎！」 而見慣大場面嘅栢芝自言相當冷靜，一手抱起仲瞓緊覺嘅Marcus，一手拎埋貴重物品即刻離開房間逃生。最終個幾鐘後，酒店就公布已經冇事，而栢芝亦返房瞓覺休息，不過就仲有個不解之謎：「我諗住一陣問工人，（因為）我擘大眼嗰陣見到我工人起咗身嘅，點解你咁驚震晒都唔叫醒我呢？哈哈哈！呢個反而係我最想尋求嘅答案。」