收看節目

瀏覽人次:75009次


收看節目 收聽節目 下載

節目名:AGA化身做主持人 更孖衛蘭衛詩Jam歌

主持 : Bread-TV 家族

內容:AGA最近就推出咗新歌《Two at a time》,佢就搵嚟同樣都係唱得之人嘅孖妹衛蘭(Janice)、衛詩(Jill),一齊Jam呢首新歌,三女一開口就令人聽出耳油,AGA留言大讚兩姊妹係佢好欣賞嘅歌手,仲係第一次三個人一齊唱,而Jill都有留言話好喜歡今次嘅合作,仲話想Encore再玩。唔少網民都留言話「好正」、「三把靚聲好夾」、「AGA幾時可以作歌畀Janice」等,一律有讚冇彈。 喺Full Version嘅後段,就由AGA化身做主持人去訪問番Janice同Jill,期間AGA大膽問到兩姊妹之間有咩睇唔過眼嘅事,Janice大彈妹妹成日一出房就唔記得熄燈,覺得好唔環保,妹妹就笑話佢正正係想講呢件事,就係家姐成日都話佢唔熄燈又唔熄電視,好特別嘅「心靈相通」。AGA又問到佢哋如果唔從事音樂嘅話會做啲咩?鍾意藝術嘅Janice竟然話想退休,每日一起身就畫畫,同時Janice就估妹妹會做一個出色嘅公關,覺得妹妹善於同人溝通,不過Jill就自爆反而想做私家偵探,因為自細就好鍾意睇罪案紀錄片,覺得會好有趣。至於AGA就笑話除咗退休之外,都有諗過做攝影師,因為好鍾意影相,又打趣話入行前都好少影自己,依家就靠助手影自己。