收看節目

瀏覽人次:65269次


收看節目 收聽節目 下載

節目名:泳兒為興趣自掏腰包拍片

主持 : Bread-TV 家族

內容:泳兒出席慈善晚宴,問到現時可是少了很多這些工作?她坦言:「都係,成個大環境,我個人係少咗啲,演唱會之後都靜咗一排,我就用嚟休息同埋拍vlog,歌手咩時候都好,屋企人、經理人、老闆都提我要積穀防饑,我自己都好慳,應使則使。」她透露自己去旅行和出埠拍嘢會分得很清楚:「自己去旅行就會好chill,但如果自己掏腰包拍嘢嘅話就會分秒必爭,朝頭早六點拍到夜晚臨瞓前,多謝啲義氣朋友陪我一齊行到腳痛,我嚟緊會同個朋友去泰國拍,佢幫我換分換酒店,我就會包佢食宿。(唔係公司畀錢?)因為自己興趣,希望拍到有一日公司可以幫我call到sponsor啦。」 講到同門的陳偉霆在內地翻唱《野狼Disco》十分洗腦,引起大家話題,她表示:「每個市場鍾意嘅嘢都唔一樣,歌手唱嘅嘢都要大眾受,有時我都會鑽牛角尖,可以點樣喺大眾同個人喜好攞到個平衡,當年我首《我的回憶不是我的》,我收到時都覺得首歌唔太Modern,但點知原來大家好鍾意,做音樂都係帶歡樂畀大家。」