收看節目

瀏覽人次:80918次


收看節目 收聽節目 下載

節目名:Aka樹林摸黑拍MV舞傷腳

主持 : Bread-TV 家族

內容:日前趙慧珊(Aka)為歌曲MV到郊外取景,其中一幕更要爬上一棵大樹,她說︰「第一次爬上咁高嘅樹拍攝,其實一開始幾驚,因為未試過爬樹,但最驚唔係因為高,而係樹上嘅蟻,樹上有好多蟻,當我撐上去時,整死咗好多蟻,所以真係對佢哋唔住。」 為營造谷底的感覺,Aka特別於凌晨時分到西貢的樹林,還把早前於韓國學的舞技於MV中展現,她表示︰「MV中加入我在韓國訓練嘅舞步,晚上在樹林內跳舞,加上導演設置嘅燈光效果,演繹出在谷底跳舞嘅感覺。」不過拍攝時她卻遇上意外整傷腳,她續說︰「因為泥土有啲濕同有好多石,而且夜晚拍攝,我睇唔到地下,有一些樹枝同葉,當跳舞有一個高難度動作,我要跳起隻腳,結果就整到腳同小腿中間位置,大家都聽到『卜』一聲,當時我係擔心會骨折,好彩唔係,第二日全日行路都係痛,以前都未試過,可能因為在樹林入面跳。」 提到歌曲講人生困境,Aka坦言亦曾遇過,故想將經歷分享給大家,她表示︰「呢首歌係我一直都好想唱出來嘅感覺,我亦曾遇過困境,當時覺得做咩都唔順利,加上有好多批評聲音,自己好唔開心。但之後我就諗為何不承認自己去到谷底呢?當自己去到谷底時,原來你會發覺冇嘢可以驚,你會覺得仲有咩比現在更衰呢!」