日期
題目
內容
收聽連結
2019-07-18
入行九年的林欣彤(Mag)憑歌唱比賽《超級巨聲》一夜成名的她,其歌唱路並不平坦,她認為人生總要經歷過高低、磨練,令她更加珍惜所有,她一直緊記其座右銘「天將降大任於斯人也,必先苦其心志,勞其筋骨,餓其體膚,空乏其身」,經歷過人生低潮,上了一課,人才會成長。她說:「好似之前失聲,明明終於開到個人演唱會又要取消,嗰陣時覺得好可惜,亦好唔甘心,原來做人唔係一味倔強就得,要能放能收,好似放紙鳶咁,要佢升得高、飛得靚,都要睇風向,唔係淨係一味放,有時要收吓,人生都係咁。」 出道至今一直被緋聞纏身,早年被爆遭男友家暴、又傳是「小三」搶人男朋友,但她覺得所有負面新聞都不及失聲慘,她說:「嗰三個月好辛苦,身為歌手冇得唱歌已經好慘,日常生活日仲有好多問題,原來把聲真係好寶貴。」 唱歌事業有華納這個靠山,感情上她笑言未有着落,她坦承早在一年前她都有心急過,她說:「嗰時都想拍拖,細個總覺得有人陪好啲,又眼見身邊朋友唔單只結婚,仲生埋仔,但依家我好享受一個人。」重情的她是否曾受傷害?她認為不可以怕被傷害而不去愛,每一段關係一定係好有愛先會一齊,她說:「唔應該話結局係要分手就寧願唔愛,反而咁樣先係軟弱,經過受傷但又可以重拾勇氣去愛,咁樣先啱,我覺得喺感情上有衝擊對我嘅事業都係好嘅,有呢啲經歷,唱歌、拍戲會更加有感情。」
收看節目
收聽節目 下 載
瀏覽人次:557次
2019-07-08
任賢齊剛完成《齊迹2019》成都站巡迴演唱會,小齊一向愛食辣,此行來到無辣不歡的成都,卻因要開騷而被公司禁食麻辣火鍋,他最終下令把火鍋搬上台,邊吃邊跟歌迷玩點唱,有女歌迷點《我是你老婆》,坦白是向小齊示愛,當眾向小齊大叫:「我是你老婆!我是沖着你來的!我們成都的老婆都愛你!」小齊最初呆一呆,接着搞笑問對方:「你老公有沒有來?沒有?那我們就不客氣啦,既然這樣,我是不是要考慮住下來?哈哈!」而巡唱期間他一直被公司禁食麻辣火鍋,綵排當日,工作人員為他準備麵食做晚餐,但不見樂手及大隊在休息室吃飯,工作人員騙稱場館內不准進食,故大家到場外吃晚飯。小齊憂心工作人員沒吃好,出外探望,沒料見一大班人在場外大開麻辣派對,枱上放滿幾十斤麻辣小龍蝦,他當場目瞪口呆大叫:「what?!」小齊坦言明白大家為他好,但看到員工大餐真的嚇一跳,笑言做藝人一向吃不飽,減肥像是終身職業,但看大家吃好喝好也開心,不會生氣啦。 問到每站巡唱都有很多歌迷公開示愛當他是老公、如何處理歌迷老婆時?小齊帶笑回應:「我告訴你,我歌迷大部分是男生,很多老婆都是跟著老公來的!不信你去問問他們!我哪來這麼多福氣?我是沒能力當韋小寶的人,歌迷早已把我當家人!結婚、生孩子、抱孫都通知我。」
收看節目
收聽節目 下 載
瀏覽人次:62067次
2019-07-08
收看節目
收聽節目 下 載
瀏覽人次:64021次
2019-06-24
收看節目
收聽節目 下 載
瀏覽人次:108694次
2019-06-21
收看節目
收聽節目 下 載
瀏覽人次:55301次
2019-06-19
林嘉欣在電影《掃毒2天地對決》上與劉德華飾演夫婦,2人加上周秀娜有一段三角關係,嘉欣表示與華仔相識多年,今次是首次在大銀幕上合作,嘉欣表示:「第一次同華仔合作,仲係飾演佢嘅老婆,我驚畀人妒忌呀,哈哈!開工見到華仔事事都親力親為好落力,加上佢係電影監製,會同我講好多detail位,幫到我演得更深入。」他們開工第一日,已經拍攝在家甜蜜相處的場面,但同樣也要拍嗌交的場口,嘉欣坦言壓力爆棚,並說:「有時演員嘅情緒起伏好大,而華仔可以照顧埋我脆弱嘅一面,所以我非常信任佢。」 娜姐在戲中飾演華仔的前度女友,雖然他們只有一場分手的激動場口,娜姐說:「華仔好有親和力,合作起上嚟唔會驚,反而好舒服,我今次演佢前度女友,拍得一日真係唔夠喉!最初我都擔心同劉德華合作,會唔會有種距離感,佢在現場可以將自己嘅緊張轉化成與彼此嘅默契,令到之後拍攝都好順利。」 至於周旋在兩女之間的華仔,他笑稱與嘉欣戲內戲外都非常合拍,有一種相逢恨晚的感覺:「冇諗過同嘉欣喺螢光幕上係咁似一對夫妻,可能呢啲就係天生嘅化學作用。」至於與周秀娜的合作,華仔坦言有一種不好意思的感覺,他笑說:「其實我都一把年紀,仲要同佢演男女朋友,不過我演完後覺得選角真係好好,佢嘅創造力係好高,亦都好希望喺演出方面可以搵到啲新血碰撞一下,可以令自己進步。」
收看節目
收聽節目 下 載
瀏覽人次:58030次
2019-06-14
生煎包王子蕭潤邦同太太江若琳提早同爸爸蕭冠豪慶祝。一行三人穿上曼聯球衣表達對球隊的死忠,到旺角麥花臣球場睇波,餘興是到波鞋街,齊齊搜購波衫。阿邦講到14、15歲起,兩父子就連繫了「足球情」,他說:「我因為身高,廳嘅梳化至係我合適嘅居住環境,所以由細到大都要瞓廳。每次老竇要睇波都要出廳,咁我就一齊睇。你知一場波有中場休息,咁我哋會傾偈,乜嘢都傾,有好多嘢講,可以增進感情。」 出身於二人組合Bliss的蕭潤邦,早年以歌手身份轉營賣生煎包,談到跟爸爸的父子情,伸延到最近在旺角開業的生煎包店,因為店名用回昔日父親經營印花廠的名字。 雖然性質不同,新店依然有傳承的意思。原來蕭爸爸一直有參與生煎包店的營運,更可以說是「出品部主管」,故事源於10多年前第一間店開幕時的遭遇,阿邦說:「到而家都會記住,開店頭半年已經出現一件事。嗰陣個廚房師傅,做咗冇耐就攞咗我哋個menu,去隔籬街開咗間一模一樣嘅舖頭。通常我有乜嘢事,都會打電話畀阿爸阿媽先嘅,好似以前喺屋企肚餓,就會喺廳大叫『肚餓呀,煮個麵我食吖』咁,或者真係一啲行動上要解決,都會打畀老竇,因為知道佢唔會跣我,我又唔會跣佢。啲人話父母喺危急時候好大力,我就感受到,嗰陣老竇本身有份工,但係佢用兩個禮拜學晒我成個menu。」 蕭爸爸續說:「嗰個師傅走咗之後,企晒喺度。阿邦畀電話我問點樣,梗係諗都唔使諗,辭咗份工,仲要賠咗一個月畀公司即時走,一直幫到而家。」
收聽節目 下 載
瀏覽人次:56947次
2019-06-10
歌手蔡一傑早前到加拿大多倫多舉行兩場音樂會,傑仔仲搵咗老友伍詠薇擔任特別嘉賓,久未登台演唱的伍姑娘為了傑仔「補鐘」學唱歌和訂造性感歌衫,不過她可能太緊張而愈食愈瘦,Low cut歌衫頻頻有下滑危機,當她忘我與傑仔在台上又唱又跳時,台上台下都跟住她一跳一驚心。 返入後台,伍詠薇仍然好亢奮說:「我好開心,好替傑仔開心,佢係我朋友、家人。呢兩場演唱會好成功,觀眾都好熱情,睇得好投入。(你做乜成日掩住心口?)哎呀,大家明明都睇住我嚟到多倫多不停食,但係愈嚟愈瘦,好驚佢瀡落嚟,我裏面真空,只有貼住兩個雞蛋仔(乳貼),一舉手就移位。山長水遠飛到嚟唱歌走光就唔好啦,好彩一切順利,返入嚟後台就可以聽住傑仔唱歌盡情跳舞啦!」 今次是傑仔入行34年以來首次個人音樂會,甚有紀念價值,歌單和舞蹈都是全新編排,傑仔以華麗、型格、活潑等多個造型演出,台上台下都非常盡興,其中當他唱日文歌《One》的時候,台下有歌迷跟住唱,令他驚喜。完騷後他風騷地說:「心情輕鬆,自己狀態好,熱眾又好熱情,所以我好Relex咁去唱,成個騷我都好鍾意,台前幕後配合得好好。雖然呢度天氣比較乾燥,但我覺得自己把聲好好,唱得好舒服,好開心。」至於「愛人」伍姑娘表現,傑仔大讚超水準。
收聽節目 下 載
瀏覽人次:57694次
2019-06-06
新片《追龍II:賊王》在九龍灣舉行首映禮,3位主角梁家輝、古天樂、林家棟,及王晶、何浩文等出席,在首映禮上3位主角被問到合作的感受時,梁家輝笑古仔是影壇大亨,他說:「秋生講㗎,我哋14年冇合作,難得有今次嘅機會,雖然合作好辛苦,但非常愉快。古仔就辛苦啦,一日走幾組,香港、內地兩邊走,家棟好啲,因為佢發展自己嘅事業,做製作、編劇,幾線發展,而我呢就比較舒服啲,因為我係退休人士,但係大家能夠走埋一齊,都係開心嘅。」儀式上,大會送上榴槤給各人。 問梁家輝是否食榴槤食到驚?他說:「唔係,都不知幾開心,難得有合作嘅機會。(想唔想再合作?)想呀,不過我退休喇喎!」 問到古仔拍攝是否辛苦,他說:「一啲都唔辛苦,我係工作狂,不過家輝都成日叫我要小心身體同body check。」提到梁家輝叫他早點結婚,梁家輝即說:「唔好喺呢啲場合講呢啲啦,好尷尬。(咁你想唔想古仔快啲結婚?)每個人嘅選擇都唔一樣嘅,我點知佢點諗,我嘅立場、身份同年紀就梗係想佢哋快林家棟表示與古仔有個共通點,就是「放生自己」,梁家輝補充說:「我亦都冇話自己行咗入條死路呀!」問古仔是否會聽梁家輝話,他說:「聽,不過感情嘅嘢,我就對邊個都唔聽。」啲成家立室,有個完美啲嘅人生啦!但係如果唔結婚、冇拍拖、冇家庭,唔等於冇一個完美人生嘅。」他更指古天樂是一個工作狂。
收聽節目 下 載
瀏覽人次:56913次
2019-06-06
樂壇天后容祖兒(Joey)細佬小登科,Joey榮升大姑奶,不過尋日除咗係細佬Big Day外,原來都係祖兒農曆生日,認真雙喜臨門!佢只係簡簡單單咁許咗個願身體健康。Joey忙咗成日但似乎都意猶未盡,將場內片段放上社交網同大家分享佢嘅喜悅,見Joey喺場內興奮轉圈,唔知以為佢結婚添,佢又多謝關智斌(Kenny)放工趕到幫手迷倒場內少女,而都有拍低一對新人讀誓言時的甜蜜場面。 講到榮升大姑奶的心情,她說:「多咗一個特別嘅身份唔識點形容,今晚參加個Party,成個婚禮都係由細佬佢哋一手一腳策劃,佢話唔使我幫手,佢成熟處理得好妥當,我尋晚心情都冇話特別激動,不過就開心,呢個小朋友我由細睇到佢大,到佢今日成家立室,覺得好感動,佢終於大個仔,好大嘅高興,佢可以搵到一個人生嘅伴侶。」問到斟茶時可有感動到喊?她說:「有啊,大妗姐叫我講祝福說話,我就同細佬講要互相愛護、互相照顧,我都冇講啲乜但已經有啲眼淚,就係血濃於水嘅感覺。(唔捨得?)又唔會,係多咗個屋企人,佢會令家庭愈嚟愈強大,最好有咁大得咁大。」她又謂媽咪都很開心:「最開心佢哋搵到一個人互相照顧,媽咪又放心。」提到之前已送了樓給細佬的她,問再有送咩畀細佬?她說:「酒席,同埋細個已經送咗隻錶畀佢,叫佢第時結婚戴,今日佢就戴咗。」 她表示今晚筵開20多席:「唔算好多,但由細嘅場地轉去大嘅場地,本身諗住簡單啲,但唔掂,所以去大啲。」她透露好姊妹Twins不在香港,關智斌剛收工趕來,公司同事都有來,因他們由細睇住細佬大,及一些親戚朋友。問可會上台唱歌?她說:「冇呀,我迫細佬表演佢唔肯,佢話好大壓力,我覺得我今日唔出聲好啲,靜心感受婚禮喜悅。」問到可會不醉無歸?她說:「一滴不沾,因為啱啱好番,我唔使飲酒都可以好High㗎。」
收看節目
收聽節目 下 載
瀏覽人次:56949次
2019-06-04
近日李克勤為內地時尚月刊拍攝封面,透過經典的黑白啡三色,詮釋「光、影與自己」的對話。 早前推出的新歌《你是我的大明星》將會收錄於六月尾推出的國語碟,亦是他第一次與民族搖滾樂隊「杭蓋樂隊」合作,希望每個人都能像「紅日之火」般在自己的行業裏發熱發亮、做自己行業裏的大明星。更說希望自己未來能成為一名導演:「如果你沒有夢想,就如同人生迷失了方向。無論結果如何,享受為目標努力拚搏過程才是最重要的。」 訪問中提到克勤出道多年,在樂壇的成績有目共睹,但他卻說:「出道三十年,我在很多地方都開了演唱會,卻好像都沒有真正去享受過的感覺。」他指隨着年紀愈來愈大,讓他更加懂得怎麼去珍惜。對於接下來的《李克勤慶祝成立30周年世界巡迴演唱會》,他表示會更加珍惜每一首歌,享受每一個陪伴他一起成長的粉絲送他的掌聲。早前推出的新歌《你是我的大明星》將會收錄於六月尾推出的國語碟,亦是他第一次與民族搖滾樂隊「杭蓋樂隊」合作,希望每個人都能像「紅日之火」般在自己的行業裏發熱發亮、做自己行業裏的大明星。更說希望自己未來能成為一名導演:「如果你沒有夢想,就如同人生迷失了方向。無論結果如何,享受為目標努力拚搏過程才是最重要的。」 出道三十年,仍然享受每一次做音樂時產生的暢快新鮮感,用更成熟的心智「Follow the light」,克勤說:「音樂就是我的娛樂,讓我開心的東西,雖然在做音樂的過程中會碰到很多不同難題,但依然因為喜歡音樂而覺得幸運,再難也覺得充滿樂趣。」
收聽節目 下 載
瀏覽人次:59468次
2019-05-27
王曼喜(Kayla)在洛杉磯的時裝設計學院畢業,現在學以致用,擁有自己的時裝品牌Basics for Basics,希望可以推廣可持續發展的時裝,時裝以外,她與不少星二代一樣,會做KOL、模特兒,現在更嘗試攝影。 Kayla以興趣來形容對攝影的喜愛,偶像是善於拍攝人像的Annie Leibovitz:「我唔會標籤自己係photographer,我由中學時候已經影相,由一啲學校活動,會影成輯相,嗰晚edit後,會第二日send番晒畀啲朋友。之前讀時裝,係想繼續進修呢個topic,我其實有一個熱誠喺度,亦都知道技術未去到professional位,希望可以繼續進修,越做越好。」問到喜歡的攝影題材,她表示最愛影人:「咩人我都影,鍾意影表情,一啲好真實流露出嚟感情,我屋企人、朋友都成日俾我影,街上啲伴侶,親密嘅鏡頭,小朋友、老人家,咩人都好,想影到人嘅真性情出嚟。」 首個攝影展就以自身出發,她籌備了一個月,以5對同性戀人的床照為構圖,想表達「親密」的訊息,更希望將來會不斷伸延:「無論直或攣都好,其實大家都係想搵一種『家』嘅感覺,即係尋找緊愛嘅時候,好似我自己,希望每一晚返屋企時候,返到屋企有一個伴侶可以一齊休息、瞓同一張床、無論係打機又好、睇電話又好,或者攬埋一嚿又好,都有一種好溫馨感覺,大家都係尋找緊自己愛嘅時候,呢個係ultimate goal。」問到拍攝時有甚麼困難?Kayla表示除了要搵願意出鏡的同性戀人,還有拍攝時要帶他們傾偈warm up:「希望佢哋自己表露最真實一面,叫佢哋最自然、放鬆,睇到佢哋臨瞓之前係點樣?好多時候都係瞓唔着,同埋唔係好放鬆,所以成個個程都會一路同佢傾偈,問番佢哋平時睡姿係點嘅樣?或者佢哋有咩習慣?開始同佢傾偈就慢慢放鬆,佢哋會騷畀我哋睇平時點攬住,可能會放手,我就希望捕捉佢哋姿態、動態。」
收看節目
收聽節目 下 載
瀏覽人次:51927次
2019-04-24
37歲的Selina,參演大陸綜藝節目《女兒們的戀愛》,節目中,Selina被安排跟年齡比自己小11歲的張軒睿約會,而昨晚播出的最後一集中看到,最初一直抗拒姊弟戀的Selina亦終於接受張軒睿,當張軒睿在雨中等了Selina半小時,終於看到對方出現時,他問Selina是否意味着表示願意跟自己拍拖,然後Selina便回了一聲「嗯」。之後,曾離婚的Selina亦勇敢說出心底話:「我覺得一想到我要勇敢這件事情,我就覺得很生氣,就有點討厭,為甚麼我必需要勇敢這樣,但是,就這一次想要,這個勇敢是真的就是,為了自己的勇敢,所以我來了。」到最後,當張軒睿問Selina是否可拖着她的手?此時Selina亦即伸出自己的手,兩人便拖手離開相約地點。 雖然只是節目,但今日Selina就在微博中出post,用了12句「謝謝你」來感謝張軒睿,更貼上9張兩人的合照說:「這真的是一段浪漫的旅程,謝謝你精心安排的每一次約會,謝謝你總是把我的感受放在第一位,謝謝你記得我喜歡吃的食物,謝謝你再願意陪我把各種食物塞在門牙上,謝謝你帶我去你的秘密基地,謝謝你每次吃飯陪我喝發酵葡萄汁,謝謝你對我敞開心扉天南地北地聊天,謝謝你當我問你我今天是不是很腫,你都說不會啊,我覺得很好看,謝謝你幫我找到浪漫的自己,謝謝你讓我喜歡現在的自己,謝謝你出現在我的生命,謝謝你」
收看節目
收聽節目 下 載
瀏覽人次:51009次
2019-04-12
古巨基一連四場的《我們世界巡迴演唱會》Part 2,昨晚在紅館舉行,繼續開三面台依然座無虛席。在去年的Part 1演出中,基仔曾不慎叉錯腳跌落台,今次Part 2基仔特別向觀眾表示已做足安全措施,並台面加闊:「就係呢個窿(手指台面),今次台闊好多,打翻斗仲得,唯有坐少兩行觀眾。」又笑言事前最多人叫他是:「小心啲,睇住個窿。」 演唱會上基仔又大晒跟太太的相處點滴,首先透過台上螢光幕播出自己的錄音聲帶:「今年係我同古太結婚第五年,有人問我同古太成日一齊工作成日見,婚姻點Handle?但其實就算唔係一齊做嘢嘅婚姻好易Handle咩?家家有本難唸的經,我同古太係廿幾年嘅工作伙伴,大家一路為事業夢想衝,反而結婚後呢幾年我哋追番時間,體驗吓以前錯過咗嘅嘢。至於婚姻點樣保鮮?我會久唔久攞番結婚相嚟睇,睇吓我哋當時嘅開心樣,再諗吓大家點樣由情侶變成親人。」 然後穿著禮服的基仔和廿位穿上婚紗的女士上台,他說:「我結咗婚幾年,今晚帶咗二十位新娘上嚟考考我定力,希望透過佢哋回味一吓我同太太嘅點滴。」接著就先唱出《愛的解釋》,基仔說:「呢首係我初出道時,佢帶我去電台宣傳第一首歌。」 嘉賓方面邀請到容祖兒,兩人合唱一曲《狂串樂基兒》,祖兒向基仔表示:「話說上次Part 1我睇完,簡直覺得係洋溢愛意,你完全唔錯失任何機會對古太表達愛意,究竟你想點呢?」祖兒續笑說:「我哋一班朋友同基仔有時食飯聚會,大家包括我都有個問號, 點解一餐飯入面你同古太孖公仔咁,隻手一定要不停摸住古太,真係好眼冤好火滾。」
收看節目
收聽節目 下 載
瀏覽人次:48413次
2019-04-09
收看節目
收聽節目 下 載
瀏覽人次:48443次
2019-04-09
收看節目
收聽節目 下 載
瀏覽人次:49065次
2019-01-29
收看節目
收聽節目 下 載
瀏覽人次:45338次
2019-01-21
收看節目
收聽節目 下 載
瀏覽人次:47654次