收看節目
瀏覽人次:75231次

收看節目 收聽節目 下載

節目名:林二汶計劃明年開個唱 唔想再怯場

主持 : Bread-TV 家族

內容:林二汶計劃明年將舉行個唱:「其實諗都已經緊張,依家已經開始籌備緊。」二汶原來好希望做到英國歌手Robbie Williams曾舉行一個Big Band Jazz Show,她謂:「佢個show由台下影到佢上台,佢點住煙飲住酒,佢係好輕鬆咁去唱。我都好想做到台上台下,能夠一撻就到,我有同容祖兒傾偈,佢都係啪掣就去,佢都係好輕鬆,我就唔係囉,我要畀自己個心靜15分鐘先得。」 二汶之前曾與中樂隊合作開騷,她坦言:「緊張到呢,無論準備幾耐,都覺得自己未得,因為同86個樂手,個個都係高手,我又唔係科班出身,我心虛㗎;咁朋友入後台支持,去到七點半我都叫助手欄住門口唔好畀人入,到八點我一行出,一跨出虎度門後,我係驚到,我想出去宣布呢個騷完喇,我唔唱,你哋走啦,我賠番錢畀你哋,我係好驚到咁!」 最後都順利開騷,不過二汶就好希望再開騷時可以克服:「我想喺台到行出行入,我嘅狀態都係輕鬆嘅,心態好重要,係真心同人分享,唔應該有嗰種怯場,應該要謹慎,唔應該怯場。」