Bread-TV.com

收看節目 收聽節目 下載 下載的標籤

節目名：吳若希與菊梓喬為「一姐」寶座鬥個你死我活

主持 : Bread-TV 家族

內容：「星夢一姐」吳若希（Jinny）早年的《越難越愛》及《眼淚的秘密》兩首「金曲金獎」紅到發紫，但隨後突然結婚生女，歌唱事業真空一年，結果造就師妹菊梓喬（Hana）崛起，不單搶去其風頭，更狙擊其「一姐」地位，不和謠言不脛而走！ 今年狀態大勇的Jinny有熱播劇《多功能老婆》，又唱插曲《每段愛還是錯》，人氣高企。再踏戰場的她早就預料外間會再將她與Hana作比較，淡然說：「是但啦！喺我角度冇所謂，人同人點都冇可能比到㗎嘛，因為每個人都有屬於佢自己嘅界別或者位置。」又直言與Hana毫不熟落：「我哋係同事關係囉，所以唔存在不和，你會唔會同一個唔熟嘅人不和呀？」亦有跟公司老闆發表意見：「我唔係好想成日同佢一齊拍住做嘢，因為唔想有啲無謂是非走出嚟，呢樣係我唯一驚嘅嘢。」 Hana今年初首奪「最受歡迎女歌星」，焦點卻放在Jinny身上，抨擊其浮誇大笑的動作，對此她笑說：「唯一好嘅地方，我仲有存在感喎！」 Jinny由何哲圖一手湊大，是星夢「親生女」，有指她與Hana「咁高咁大」，她打趣說：「我高啲！我1米73，佢應該1米6幾，身高上高好多。」 她坦言想繼續努力製造不同話題：「唔好成日講我不和，同埋Hana唔係一個好玩嘅人，佢唔係好講嘢，如果得我講就冇嘢好玩。今年我諗吓不和邊個先，不如特登踩甩譚嘉儀條裙，仲要批佢㬹？」問到今年會否力爭「最受歡迎女歌星」？她坦言：「冇，今年我睇好譚嘉儀，佢係好叻嘅人，仲好勤力。」